【阿卡西紀錄/動物傳心】個案分享

這次的個案是隻大約5歲的貓女，名叫「豆腐」。

主人去年11月去咗英國，屋企得番老公和兩隻貓。估計因為老公早出晚歸，冇人隨時鏟砂盤，豆腐就開始喺流化屙尿，地下屙屎。

主人回港後盡量陪佢哋，保持砂盤清潔，仲久唔久捉佢入砂盤。換咗砂盤，又換咗梳化（原本都舊，想換），結果，豆腐去返砂盤屙尿，但係就仍然喺地下（同一個走廊口位置）屙屎。

之前都有成功過捉佢入砂盤屙，但係最近佢好似專吼住主人行開唔留意就屙喺地下。主人有鬧佢，捉佢去砂盤⋯⋯但都冇乜用。

這是動物行為的問題，但佢之前都識得去砂盤痾，那就並不是行為認知的問題了，所以可能同佢有自己的意見有關。

想睇睇點解豆腐要喺地下痾屎。是否對主人有咩投訴？有甚麼想同主人講？

感謝同學們跟貓貓豆腐的溝通，基本上我和大家閱讀到的也挺一致，豆腐真的是一隻怕悶的貓，而且很鍾意女主人，不太痴男主人，而貓貓會對家庭有些擔心原來是因為家裡哥哥姐姐前後也離家去了外國，她眼見走吓一個走吓又一個，不過主人間唔中都會出trip，每次去個幾月，所以我建議佢出trip可用視像會議膙貓傾吓偈啦，聽聽聲也是好的。

而貓貓在地上痾屎這個行為問問似乎是想自己一隻用一個砂盤，其實是有兩個盤的，但另一隻有時貓會兩個都用，所以她不喜歡另一隻貓用過，她不想用，而兩個盤原來是貼著擺放的。

我建議，或者可以試下，唔知教邊隻啦，用返佢個專屬廁所，等牠們知道一貓有一個廁所。

我哋經常做的係執返佢粒屎或堆尿放返佢自己廁所，局佢去聞，放耐少少，唔駛急住清理，話佢知呢個係你的，等佢知呢個係佢的，唔好用人哋果個。

再唔得就或者將兩個分開啲，例如可以試下將一個貓廁所獨立放在一個地方，或一個人的廁所內，貓廁所入面放佢粒屎，教咗佢，然後閂埋門，等佢同自己個廁所獨處吓先，讓佢認知呢個係我專屬廁所。

主人都嘗試了再澈底清潔好貓廁所，再跟豆腐說這是牠自己的廁所，不過主人出街回來後仍然見到豆腐痾了屎在地上......

其實貓和人一樣，行為習慣問題要慢慢來，不是說傾了一次牠便會立即改正，也要時間適應。

主人衷心感謝同學們的幫忙，讓她可以更暸解貓貓的內心世界，而且驚嘆超神奇！